घोटी वाडीवऱ्हे शिवारात ऑक्टोबर 2025 मध्ये अपहरण, ठार मारण्याची धमकी, खंडणी आणि तब्बल 400 कोटी रुपयांच्या नोटांचे कंटेनर लुटल्याचा प्रकार उघडकिस आला होता. अशातच आता तब्बल 400 कोटी रुपयांची कंटेनर चोरी केल्याच्या प्रकरणात राजकीय आणि बिल्डराचा हात असल्याचं समोर आलं आहे.
पोलिसांनी दिलेल्या माहितीनुसार, नाशिकमधील संदीप पाटील या तरुणाच्या अपहरण करण्यात आलं होतं. या प्रकरणाच्या तपासातून ही 400 कोटी रुपयांची घटना उजेडात आली आहे. या प्रकरणी संदीप पाटील नावाच्या तरुणाने एका व्हिडीओमध्ये धक्कादायक खुलासा केला आहे.
काय म्हणाला संदीप पाटील?
मी संदीप पाटील. 16 ऑक्टोबर 2025 रोजी कर्नाटकमधील चोरला घाटामध्ये दोन कंटेनरमध्ये 400 कोटी रुपये होते. हे पैसे गोव्यातून कर्नाटक मार्गे बालाजी ट्रस्टला जात होते. कंटेनर जेव्हा कर्नाटकमधील चोरला घाटात पोहोचले तेव्हा चोरांनी रात्रीच्या अंधारात लुटले होते. या कंटेनरमध्ये 2000 रुपयांच्या जुन्या नोटा होत्या. त्या नोटांचा मुळ मालका हा ठाण्यातील किशोर सावळा आहे. त्यांचे हे पैसे होते.
पुढे तो म्हणाला की, "त्यांच्या जवळचा माणूस जयश कदम याने 20 ऑक्टोबर रोजी रात्री व्हॉट्सअपवर फोन केला. तुझ्या नावाची तक्रार आली आहे. तुझी आम्हाला चौकशी करायची आहे, उद्याच्या उद्या मला घोटीला भेटायला ये. त्यानंतर 21 तारखेला दिवाळी असल्यामुळे मी 22 तारखेला घोटीला भेटायला गेलो, त्यांनी मला बळजबरीने त्यांच्या फॉर्च्युनरमध्ये बसवलं. त्यांनी मला नाशिकला घेऊन गेले. या गाडीत विशाल नायडू, सुनील धुमाळ होते. त्यांनी मला तूच भाऊ पाटील आहे, तूच आमच्या शेटचा कंटेनर लुटला आहे. ते आरोपी तुझ्या नावाने फोन करत आहे, ते 100 कोटी रुपये लुटले आहे का? असं म्हणत मला मारहाण केली", असं संदीप पाटील याने एका व्हिडीओमध्ये सांगितलं.
मुंबई : नाशिक-मुंबई महामार्गावरील द्वारका चौकाजवळ 13 जानेवारी 2025 रोजी झालेल्या दुर्दैवी अपघातातील 9 मृतांच्या वारसांना ‘मुख्यमंत्री सहाय्यता निधी’तून प्रत्येकी 5 लाख रुपयांचे आर्थिक सहाय्य मंजूर करण्यात आले आहे. या मदतीची एकूण रक्कम 45 लाख रुपये असून ती नाशिक जिल्हाधिकारी यांच्या खात्यात वर्ग करण्यात आली असल्याची माहिती मुख्यमंत्री सहाय्यता निधी कक्षाचे प्रमुख रामेश्वर नाईक यांनी दिली.
जय महाराष्ट्र न्यूजच्या थेट संपर्कात राहण्यासाठी व्हॉट्सअप चॅनेल वर क्लिक करा.
13 जानेवारी रोजी नाशिकच्या द्वारका चौकातील उड्डाणपुलावर लोखंडी सळई घेऊन जाणाऱ्या ट्रकला पाठीमागून भरधाव टेम्पोने धडक दिल्याने 9 जणांचा दुर्दैवी मृत्यू झाला. या घटनेनंतर मुख्यमंत्री देवेंद्र फडणवीस यांनी तातडीने मृतांच्या कुटुंबीयांना आर्थिक मदतीची घोषणा केली. त्यानुसार मृतांच्या वारसांना प्रत्येकी 5 लाख रुपयांची मदत मंजूर करण्यात आली असून मदतीची एकूण 45 लाख इतकी रक्कम जिल्हाधिकारी नाशिक यांच्या खात्यात वर्ग करण्यात आली आहे.
मृतांच्या वारसांना मंजूर करण्यात आलेल्या 5 लाख रुपयांचे अर्थसहाय्य अतुल मंडलिक, अनुज घरटे, आरमान शाहरुख खान, यश उर्फ शिवम चंद्रकांत खरात, चेतन उर्फ चारुदत्त दिनेश पवार, राहुल प्रभाकर साबळे, विद्यानंद समाधान कांबळे, दर्शन सुनिल घरटे, संतोष तुकाराम मंडलिक या नऊ मृतांच्या वारसांना देण्यात आले आहे.
हेही वाचा : Cabinet Decision: अटल सेतूवर सवलतीच्या दराने आणखी एक वर्षभर पथकर आकारणी होणार
मुख्यमंत्री सहाय्यता निधी कक्षाच्या माध्यमातून नैसर्गिक आपत्तीमध्ये किंवा अपघात प्रकरणात जखमी तसेच मृतांच्या वारसांना आर्थिक सहाय्य देण्यात येते. मुख्यमंत्री सहाय्यता निधी कक्षाने आतापर्यंत हजारो गरजू रुग्ण आणि अपघातग्रस्तांना मदत करून दिलासा दिला आहे. भविष्यातही गरजूंसाठी हा कक्ष मदतीचा हात ठरेल, असा विश्वास मुख्यमंत्री सहाय्यता निधी कक्षाचे प्रमुख नाईक यांनी व्यक्त केला आहे.
नाशिक : महिलांच्या गळ्यातील सोन्याचे दागिने चोरीच्या घटना वारंवार होताना पाहायला मिळत असतात. असा प्रकार नाशिक शहरात घडल्याचे दिसून आले आहे. महिलांच्या गळ्यातील सोनसाखळी चोरी करणाऱ्या दोन गुन्हेगारांना जेरबंद करण्यात पोलिसांना यश आलं आहे.
पोलिसांनी ताब्यात घेतलेल्या चोरांवर 20 सोनसाखळी चोरीचे गुन्हे व मोटरसायकल चोरीचा, एक घरफोडी असे मिळून 22 गुन्हे उघड झाले आहेत. तब्बल 18 लाख 11 रुपये किमतीचा मुद्देमाल त्यांच्याकडून हस्तगत करण्यात आला आहे. नाशिक शहर पोलिसांच्या गुन्हे शाखा युनिट एकच्या पथकाने ही कारवाई केली आहे.
जय महाराष्ट्र न्यूजच्या थेट संपर्कात राहण्यासाठी व्हॉट्सअप चॅनेल वर क्लिक करा.
नाशिक शहरात गेल्या काही दिवसांपासून सोनसाखळी चोरीच्या घटनेत वाढ झाली होती. एका दिवसातच पाच सोनसाखळी चोरी झाल्याची बाब दर्शनास आल्यानंतर गुन्हे शाखा युनिट एकच्या पथकाने नाशिक शहरापासून सिन्नरपर्यंत जवळपास दीडशेपेक्षा जास्त सीसीटीव्ही कॅमेरे तपासून दीड महिन्यांपासून मागावर असलेल्या अट्टल सोनसाखळी चोरांचा पर्दाफाश केला आहे.
हेही वाचा : गंगापुरमधील बनावट दारू कारखाना उद्ध्वस्त
नाशिक : नाशिक पूर्व विधानसभा मतदारसंघात राडा झाला. मतदारांना स्लिप वाटण्यावरुन वाद झाला. या वादातून नंतर हिंसा झाली. शरद पवारांच्या राष्ट्रवादीचे उमेदवार गणेश गीते यांच्या समर्थकाची स्कॉर्पिओ गाडी फोडण्यात आली. भाजपाच्या कार्यकर्त्यांनी गाडी फोडल्याचा आरोप गीते आणि त्यांच्या समर्थकांनी केला. पोलिसांनी हस्तक्षेप करुन परिस्थितीवर नियंत्रण मिळवले. या घटनेनंतर गीतेंनी भाजपाचे उमेदवार आणि नाशिक पूर्वचे सध्याचे आमदार राहुल ढिकले यांनी धमकी दिली. 'निवडणुका येत – जात राहतात पण गुंडगिरी खपवून घेणार नाही' या शब्दात गीतेंनी ढिकलेंना धमकी दिली.
काही दिवसांपूर्वी नाशिक पूर्व मतदारसंघात राहुल ढिकले आणि गणेश गीते समर्थक आमनेसामने आले होते. हा वाद थेट पोलीस आयुक्तालयापर्यंत गेला होता. आता पुन्हा एकदा नाशिक पूर्व विधानसभा मतदारसंघात राडा झाला आहे.
भाजपाचे कार्यकर्ते गुंडगिरी करुन दहशत निर्माण करत आहे. पराभवाची भीती वाटू लागल्यामुळे मतदारांना आणि विरोधकांना घाबरवण्याचे प्रयत्न सुरू आहेत. पण या गुंडगिरीला आम्ही घाबरणार नाही, असे गीते म्हणाले.
कमलेश बोडकेंना नोटीस
पोलिसांनी भाजपाचे माजी नगरसेवक कमलेश बोडके यांना मतदानाच्या दोन दिवस आधी तडीपार केले आहे. गीतेंचा नातलग असल्यामुळे ढिकलेंनी पोलिसांवर दबाव टाकून तडीपार करण्यासाठीची नोटीस बजावली, असा आरोप कमलेश बोडके यांनी केला.
नाशिक : मोदी सरकार असेपर्यंत कांद्यावर निर्बंध नसतील असे आश्वासन भाजपाच्या देवेंद्र फडणवीस यांनी दिले. ते नाशिकमध्ये प्रचारसभेत बोलत होते. विधानसभा निवडणुकीसाठी प्रचार संपायला अवघे काही तास उरले असताना नाशिक जिल्ह्यात घेतलेल्या प्रचारसभेत फडणवीस यांनी शेतकऱ्यांना आश्वासन दिले. राज्यात बुधवार २० नोव्हेंबर रोजी मतदान होणार आहे. याआधी नाशिक जिल्ह्यातील कांदा उत्पादक शेतकऱ्यांशी सभेच्या माध्यमातून संवाद साधताना फडणवीसांनी कांद्यावर निर्बंध घालणार नसल्याचे आश्वासन दिले. विशेष म्हणजे ही सभा होण्याच्या काही तास आधीच सोयाबीन उत्पादक शेतकऱ्यांना केंद्र सरकारने दिलासा दिला आहे. केंद्र सरकारने १२ टक्क्यांऐवजी १५ टक्के ओलावा असलेल्या सोयाबीनच्या खरेदीच्या प्रस्तावाला मंजुरी दिली आहे. आता फडणवीस यांनी दिलेल्या आश्वासनामुळे कांदा उत्पादक शेतकऱ्यांच्या आशा उंचावल्याची चर्चा सुरू झाली आहे.
नाशिक : नाशिकच्या तपोवन परिसरात महाराष्ट्रातील सर्वात उंच प्रभू श्रीरामाच्या मूर्तीचे लोकार्पण झाले. मूर्तीची उंची ६१ फूट एवढी आहे. ही मूर्ती बघायला येण्याच्या निमित्ताने नाशिकमध्ये पर्यटनाला चालना मिळेल, असा विश्वास राज्याच्या पर्यटन विभागाने व्यक्त केला आहे.
नाशिक : मनोज जरांगे यांच्या विरोधात फेसबुकवर पोस्ट करणाऱ्या डॉक्टरवर शाईफेक करण्यात आली. संभाजी ब्रिगेडच्या पदाधिकाऱ्यांकडून शाईफेक केली. ही घटना नाशिकच्या सिडको भागात घडली.
जरांगे यांचे सगेसोयरे मुसलमान असल्याची पोस्ट (आयुर्वेद वैद्य) डॉ. विजय गवळी यांनी केली होती. या पोस्टचा निषेध म्हणून शाईफेक केल्याचे संभाजी ब्रिगेडच्या पदाधिकाऱ्यांनी सांगितले. जरांगे समर्थक मराठे असल्याचा दावा करत शाईफेक करण्यात आली. उत्तरादाखल डॉ. गवळी यांनी स्वतः मराठा असल्याचे सांगितले. डॉ. गवळी यांच्या संभाजी ब्रिगेडच्या पदाधिकाऱ्यांनी बोलणे टाळले. पण शाईफेकीची कृती योग्यच असल्याचा दावा केला.
नाशिक : नवरात्रौत्सवाला सुरुवात झाली आहे. या निमित्ताने नाशिक जिल्ह्यातील वणीच्या सप्तश्रृंगी गडावर भाविकांची दर्शनासाठी गर्दी होऊ लागली आहे. गर्दीचे नियोजन करण्यासाठी गडावर खासगी वाहनांना बंदी घालण्यात आली आहे. या बंदीमुळे खासगी वाहनांमधून येणाऱ्या भाविकांची पंचाईत झाली आहे. वाहनातून उतरल्यानंतर चालकाला सूचना देऊन वाहन गडाच्या पायथ्याशी पाठवावे लागत आहे. यामुळे परतीच्यावेळी भाविकांना त्रास सहन करावा लागत आहे. राज्य परिवहन महामंडळाकडून बसची व्यवस्थित सेवा मिळत नाही. खासगी वाहनांवर बंधने घातली आहेत. यामुळे भाविक त्रस्त झाले आहेत. काही भाविकांनी पोलिसांशी वाद घातल्यामुळे काही काळ गडाच्या परिसरात वातावरण तापले होते. समस्येवर तातडीने तोडगा काढण्याची मागणी होत आहे.
नाशिक : महाराष्ट्राचे मुख्यमंत्री एकनाथ शिंदे, उपमुख्यमंत्री देवेंद्र फडणवीस आणि उपमुख्यमंत्री अजित पवार हे तिघे नाशिकच्या दौऱ्यावर आहेत. मुख्यमंत्री आणि दोन्ही उपमुख्यमंत्री यांच्या हस्ते नाशिकमध्ये विविध विकासकामांचं भूमिपूजन होणार आहे. कॅबिनेट मंत्री छगन भुजबळ याप्रसंगी उपस्थित असतील. विधानसभा निवडणुकीच्या पार्श्वभूमीवर महायुतीसाठी हा नाशिक दौरा महत्त्वाचा आहे.
मुख्यमंत्री एकनाथ शिंदे, उपमुख्यमंत्री देवेंद्र फडणवीस आणि उपमुख्यमंत्री अजित पवार यांच्या उपस्थितीत नाशिकच्या मुंबई नाका परिसरात बसवलेल्या महात्मा ज्योतिबा फुले आणि सावित्रीबाई फुले यांच्या अर्धाकृती ब्रॉंझ धातूच्या पुतळ्याचे लोकार्पण होणार आहे. बाळासाहेब ठाकरे स्मृती उद्यानाचेही लोकार्पण होणार आहे.
नाशिक : आदिवासींसाठी नाशिकमध्ये विद्यापीठ सुरू करणार. या विद्यापीठात ८० टक्के आदिवासी आणि २० टक्के इतर विद्यार्थ्यांना प्रवेश मिळेल, असे राज्यपाल सी. पी. राधाकृष्णन म्हणाले. नाशिक जिल्ह्यातील लोकप्रतिनिधींशी संवाद साधल्यावर राज्यपालांनी विद्यापीठाची घोषणा केली.
आदिवासी बांधवांसाठी शासनाच्या विविध योजना आहेत. त्या माध्यमातून विकास कामे सुरू आहेत. या भागातील सामाजिक विकासासाठी विद्यापीठ स्थापन करण्यात येईल. या विद्यापीठात अभियांत्रिकी, माहिती तंत्रज्ञान आदी विषयांच्या सर्वोत्तम सुविधा असतील. नाशिक औद्योगिकदृष्ट्या विकसित होत असल्याने या विद्यापीठातील विद्यार्थांना रोजगाराच्या संधी निर्माण होतील; असेही राज्यपाल सी. पी. राधाकृष्णन म्हणाले. आदिवासी भागातील आरोग्य आणि शिक्षण व्यवस्था सक्षम करण्यासाठी उपाययोजना करण्यात येतील. वैद्यकीय अधिकारी यांची रिक्त पदे भरतीसाठी निर्देश देण्यात येतील. विद्यापीठातील प्राध्यापक भरती महाराष्ट्र राज्य लोकसेवा आयोगातर्फे करण्याच्या सूचना देण्यात येतील, यासंदर्भात विद्यापीठांच्या कुलगुरूंशी चर्चा करण्यात आली आहे. राजभवन येथे आदिवासी कक्ष स्थापन करण्यात आला आहे. आदिवासी बांधवांचे प्रश्न जाणून घेत ते सोडविण्यासाठी आदिवासी लोकप्रतिनिधी यांची राजभवन येथे बैठक घेण्यात येईल, असेही राज्यपालांनी सांगितले.
नाशिक : नाशकात हिंदूंच्या मोर्चावर मुसलमानांनी हल्ला केला. यामुळे तणाव निर्माण झाला.
नेमके घडले काय ?
बांगलादेशमध्ये हिंदू आणि मंदिरे यांच्या रक्षणासाठी भारत सरकारने ठोस पावले उचलावी या मागणीसाठी शुक्रवारी नाशिक जिल्हा बंदची हाक देण्यात आली होती. हिंदू समाजातील अनेकांनी बंदच्या आवाहनाला प्रतिसाद म्हणून आपापली दुकानं बंद ठेवली. सरकारचे लक्ष वेधण्यासाठी नाशिकमध्ये हिंदूंनी एक मोर्चा काढला. हा मोर्चा पुढे सरकत असताना भद्रकाली या मुसलमानबहुल भागात दुकानं सुरू असल्याचे आढळले. बंदला पाठिंबा देण्यासाठी दुकानं बंद ठेवावी अशी मागणी करत काही कार्यकर्ते गेले असताना दुकानदार आणि कार्यकर्ते यांच्यात वाद झाला. तणाव वाढला. यानंतर मुसलमानांनी मोर्चा काढला. मोठ्या संख्येने मुसलमान रस्त्यावर आले. मुसलमानांनी हिंदूंवर हल्ला केला. यामुळे तणाव वाढला अखेर पोलिसांनी हस्तक्षेप केला आणि परिस्थितीवर नियंत्रण मिळवले.
नाशिकमधील घडामोडींची माहिती मिळताच भाजपा आमदार नितेश राणे यांनी नाराजी व्यक्त केली. भाईचारा फक्त हिंदूंनीच पाळायचा का ? असा जळजळीत सवाल नितेश राणे यांनी उपस्थित केला.
नाशिक : तुरुंगातून बाहेर पडताच गंभीर गुन्ह्यांतील आरोपी हर्षद पाटणकर याची मिरवणूक काढण्यात आली. पाटणकरच्या टोळीतील गुंडांनी ही मिरवणूक काढल्याचे स्थानिकांनी सांगितले. या प्रकरणाची पोलीस चौकशी झाली. सरकारवाडा पोलिसांनी गुन्हा नोंदवला आणि हर्षद पाटणकरची पुन्हा एकदा तुरुंगात रवानगी झाली. हर्षदसह मिरवणुकीत सहभागी झालेल्या सात जणांविरोधात गुन्हा नोंदवण्यात आला आहे. बेकायदा मिरवणूक काढून रस्त्यावर वाहतुकीला अडथळा निर्माण करणे, आरडाओरडा करणे, आक्षेपार्ह भाषा वापरणे, विनाकारण हॉर्न वाजवून दहशत निर्माण करणे या प्रकरणात पोलिसांनी कारवाई केली.
कोण आहे हर्षद पाटणकर ?
नाशिक पोलिसांनी हर्षदला २०२३ मध्ये एमपीडीए कायद्यानुसार नाशिक रोड कारागृहात वर्षभरासाठी स्थानबद्ध केले होते. हर्षद मंगळवारी कारागृहातून बाहेर आला. बाहेर पडताच त्याची मिरवणूक काढण्यात आली. या मिरवणुकीचे व्हिडीओ व्हायरल झाले. व्हायरल व्हिडीओ प्रकरणी पोलिसांनी तपास करुन कारवाई केली.
नाशिक : पावसाळा सुरू होऊनही नाशिकात पाऊस नसल्याचे चित्र होते. मात्र गेल्या दोन दिवसांपासून नाशिक शहर आणि जिल्ह्यात संतधार पाऊस सुरू आहे. इगतपुरी आणि त्र्यंबकेश्वरमध्ये असलेल्या धरण परिसरात देखील चांगला पाऊस झाला आहे. दोन दिवसांपासून सुरू असलेल्या संतधार पावसामुळे काही प्रमाणात का होईना? पण गंगापूर आणि दारणा धरणाच्या पाणीपातळीत वाढ झाली असल्याचे पाहायला मिळत आहे. या पावसाने गंगापूर धरणात ३५ टक्के तर दारणा धरणात ६० टक्के पाणी भरल्याने नागरिकांना दिलासा मिळाला आहे.
त्याचबरोबर गेल्या काही दिवसांपासून दांडी मारलेल्या पावसाचे पुनरागमन झाल्याने शेतकरी वर्गातदेखील आनंदाचे वातावरण पाहायला मिळत आहे. नाशकात संथ गतीने पाऊस चालु असला तरी मुसळधार पावसाची प्रतीक्षा कायम आहे तसेच जिलह्याचा पाणीसाठा २५ टक्क्यांवर आहे.
नाशिक : शिउबाठाचे माजी आमदार वसंत गीते यांचे कार्यालय नाशिक महापालिकेने तोडले. अनधिकृत बांधकाम केल्याचे कारण देत महापालिकेने ही कारवाई केली. महापालिकेच्या कारवाईचा माजी आमदार वसंत गीते आणि शिउबाठाच्या नाशिकमधील पदाधिकाऱ्यांनी निषेध केला. जी जागा राज्य परिवहनच्या मालकीची आहे, तिथे महापालिकेने कारवाई केलीच कशी ? असा प्रश्न शिउबाठाकडून उपस्थित केला जात आहे. या प्रकरणात न्यायालयात दाद मागणार असल्याचेही शिउबाठाकडून सांगण्यात आले.
