चेन्नई: रविवारी, पंतप्रधान नरेंद्र मोदी तीन दिवसांच्या श्रीलंका दौऱ्याहून येत असून श्रीलंका ते थेट तामिळनाडू येथे आले आहेत. रामनवमीच्या निमित्ताने तामिळनाडू येथे 8 हजार 300 कोटी रुपयांच्या विविध योजनांचा शुभारंभ पंतप्रधान नरेंद्र मोदी यांच्या हस्ते झाला. श्रीलंका दौऱ्याहून येत असताना पंतप्रधान नरेंद्र मोदी यांनी विमानातून पवित्र राम सेतूचे दर्शन घेतले. यावर, पंतप्रधान नरेंद्र मोदी यांनी या अद्भुत अनुभवाची माहिती एक्सच्या (पूर्व ट्विटरच्या) माध्यमातून दिली.
राम सेतूचे दर्शन मिळणे हीच एक अद्भुत अनुभूती:
भारताचे पंतप्रधान नरेंद्र मोदी यांनी, 'श्रीलंकेतून परत येताना आकाशातून पवित्र राम सेतूचे दर्शन झाले. हे दर्शन मिळणे हीच एक अद्भुत अनुभूती होती आणि विशेष म्हणजे, याच वेळी अयोध्येमध्ये प्रभू श्रीरामाच्या जन्मस्थळी सूर्य तिलक सोहळा सुरू होता. ही एक दैवी संयोग आहे', असे पंतप्रधान नरेंद्र मोदी यांनी आपल्या एक्सद्वारे (पूर्व ट्विटर) माहिती दिली.
एक्सवर (पूर्व ट्विटरवर) भावना व्यक्त करताना पंतप्रधान मोदी म्हणाले, 'श्रीलंकेहून परत येताना थोड्याच वेळापूर्वी राम सेतूचे दर्शन घेण्याचे भाग्य लाभले आणि त्या वेळीच अयोध्येमध्ये प्रभू श्रीरामाच्या जन्मस्थळी सूर्य तिलक होत होता. हे एक दैवी योग होते. दोन्ही ठिकाणांचे एकत्रित दर्शन होणे हे माझ्यासाठी अत्यंत पुण्यप्रद आणि आनंददायक क्षण ठरले. प्रभू श्रीराम हे आपल्या सर्वांचे एकत्रित करणारे दैवत आहेत. त्यांची कृपा सदैव आपल्या सर्वांवर राहो.'
पुढे पंतप्रधान नरेंद्र मोदी यांनी माहिती दिली, 'राम सेतूला आदम ब्रिज असे देखील म्हटले जाते. हा पौराणिकदृष्ट्या महत्त्वाचा आणि श्रद्धेचा विषय असलेला भाग आहे. असे मानले जाते की प्रभू रामाने लंकेकडे प्रस्थान करण्यासाठी वानरसेनेच्या साहाय्याने हा सेतू बांधला होता. अयोध्येतील रामजन्मभूमीवर सूर्य तिलक सोहळा दरवर्षी अत्यंत भक्तिभावाने साजरा केला जातो, ज्यामध्ये सूर्यकिरण थेट प्रभू श्रीरामाच्या मूर्तीवर पडतात.'