Rare Trigrahi Yog 2025: ज्योतिष शास्त्रात ग्रह-नक्षत्रांची स्थिती मानवी जीवनावर प्रभाव टाकते, हे आपण अनेकदा ऐकतो. यंदा जून महिन्यात असाच एक अत्यंत दुर्मीळ आणि शक्तिशाली 'त्रिग्रही योग' घडतोय, जो तब्बल 50 वर्षांनंतर पाहायला मिळणार आहे. मिथुन राशीत एकाच वेळी सूर्य, बुध आणि गुरु ग्रहांची युती होत असल्याने हा त्रिग्रही योग तयार होत आहे. हा योग केवळ दुर्मीळच नाही, तर काही खास राशींसाठी अत्यंत शुभ आणि परिवर्तनकारी ठरणार आहे.
हेही वाचा: Vat Purnima 2025: वटपौर्णिमेच्या दिवशी नेसू नये 'या' रंगाची साडी; जाणून घ्या यामागचं धार्मिक कारण
काय आहे त्रिग्रही योग?
जेव्हा कोणत्याही एका राशीत तीन महत्त्वाचे ग्रह एकत्र येतात, तेव्हा 'त्रिग्रही योग' तयार होतो. यावेळी बुध ६ जून रोजी मिथुन राशीत प्रवेश करतोय, तर सूर्य 15 जूनला याच राशीत स्थान घेणार आहे. त्याचवेळी गुरु ग्रह आधीच मिथुन राशीत आहे. त्यामुळे 15 जूनला या तिघांचा संगम होणार असून, मिथुन राशीत हा योग तयार होतो.
कोणत्या राशींना होणार सर्वाधिक फायदा?
1. वृषभ (Taurus)
या राशीच्या व्यक्तींना अचानक आर्थिक लाभ होण्याची शक्यता आहे. कोणतीही गुंतवणूक किंवा सट्टा यशस्वी होऊ शकतो. नशिबाची साथ मिळणार असल्याने लॉटरी, प्रॉपर्टी डील्स किंवा शेअर मार्केटमध्ये यश मिळू शकते. नोकरी करणाऱ्यांना त्यांच्या कामाचं कौतुक होईल, प्रमोशनची शक्यता आहे. व्यापाऱ्यांसाठी देखील हा काळ अत्यंत फायदेशीर ठरणार आहे.
2. कन्या (Virgo)
करिअरमध्ये प्रगतीचा नवा अध्याय सुरू होणार आहे. नवीन नोकरी, व्यवसाय सुरू करण्याची संधी मिळेल. कोणतेही पेंडिंग प्रोजेक्ट्स पूर्ण होतील. सार्वजनिक मान्यता आणि कीर्ती मिळण्याची शक्यता आहे. विद्यार्थ्यांसाठी हा काळ स्पर्धा परीक्षा, अभ्यासक्रम किंवा प्रोजेक्ट्ससाठी उत्तम आहे.
3. मीन (Pisces)
या राशीसाठी त्रिग्रही योग चौथ्या घरात तयार होत आहे, जे घर, स्थैर्य आणि मानसिक शांतीचं प्रतीक मानलं जातं. त्यामुळे नवीन घर घेण्याची, प्रॉपर्टी खरेदी करण्याची शक्यता आहे. क्रिएटिव्ह क्षेत्रात असणाऱ्यांना मोठी संधी मिळू शकते. कामाच्या ठिकाणी नवीन ओळखी आणि फायदेशीर गाठीभेटी होतील.
हेही वाचा: Vat Purnima 2025: आर्थिक संकट दूर होऊन होईल भरभराट; वटपौर्णिमेला महिलांनी दान कराव्या 'या' 3 गोष्टी
काय काळजी घ्यावी?
जरी त्रिग्रही योग अत्यंत शुभ मानला जात असला, तरी प्रत्येक योगासोबत शिस्त, सकारात्मकता आणि योग्य नियोजन हवेच. अशा संधीच्या काळात योग्य निर्णय आणि मेहनत घेतल्यासच दीर्घकालीन यश प्राप्त होऊ शकते.
सुर्य-बुध-गुरुच्या एकत्रित प्रभावामुळे तयार होणारा हा त्रिग्रही योग काही राशींसाठी खऱ्या अर्थाने 'सुवर्णकाळ' ठरणार आहे. वृषभ, कन्या आणि मीन राशीच्या व्यक्तींनी या काळाचा जास्तीत जास्त लाभ घेण्यासाठी सज्ज रहावे. कारण अशी संधी पुन्हा कधी मिळेल, सांगता येत नाही.
(Disclaimer :वरील सर्व माहिती केवळ माहितीच्या उद्देशाने वाचक-प्रेक्षकांपर्यंत पोहोचवत आहे. यातून जय महाराष्ट्र कोणताही दावा करत नाही किंवा कोणत्याही प्रकारची जबाबदारी स्वीकारत नाही.)