Today's Horoscope 8 May 2025: आजचा दिवस काही राशींना संधी घेऊन येणारा आहे, तर काहींना संयम आणि शांतीची गरज आहे. गुरुवारचा दिवस गुरूग्रहाशी संबंधित असतो, जो ज्ञान, समृद्धी आणि धार्मिकतेचा कारक आहे. त्यामुळे आजच्या दिवशी साधना, सेवा, सकारात्मक विचार आणि नवे संकल्प महत्त्वाचे ठरतील. खाली दिलेल्या राशीभविष्यावरून जाणून घ्या तुमचा दिवस कसा जाईल.
मेष राशी (Aries Horoscope)
आज मनाची चंचलता तुमच्या निर्णयक्षमतेवर परिणाम करू शकते, त्यामुळे मन स्थिर ठेवण्याचा प्रयत्न करा. कामाच्या ठिकाणी अधिकारपदावर असाल तर वाणीवर संयम ठेवणे गरजेचे आहे. घरगुती वातावरण प्रसन्न राहील. काही काळापासून चाललेल्या व्यावसायिक अडचणी दूर होतील आणि प्रगतीचा मार्ग खुला होईल.
वृषभ राशी (Taurus Horoscope)
आज तुम्ही तुमच्या बोलण्यात अधिकार जाणवून द्याल आणि त्यामुळे इतरांवर प्रभाव पडेल. कामाच्या ठिकाणी तुमच्या कौशल्यांना योग्य वाव मिळेल. धार्मिक कार्यक्रमात सहभाग घेण्याची शक्यता आहे. मनातील जुनी इच्छा पूर्ण होऊ शकते. तुमच्यात असलेले ज्ञान योग्य ठिकाणी वापरणे तुम्हाला लाभदायक ठरेल.
मिथुन राशी (Gemini Horoscope)
आज तुम्ही तुमच्या मुलांबाबत काही काळजीत राहू शकता. उधारीची किंवा कुठलीही आर्थिक व्यवहाराची कामे शक्यतो टाळावीत. काही अनपेक्षित आर्थिक लाभ होण्याची शक्यता आहे. दिवसाची सुरुवात सकारात्मक होईल आणि ठरवलेली कामे वेळेत पूर्ण होतील. महत्त्वाची कागदपत्रे जपून ठेवावीत.
कर्क राशी (Cancer Horoscope)
आज तुम्हाला वरिष्ठ व्यक्ती किंवा अधिकारी वर्गाकडून सल्ला घेण्याची गरज भासेल. नवीन ओळखी आणि मैत्रीचे धागे निर्माण होतील. तुम्ही परोपकाराची भावना बाळगाल आणि त्याचा अनुभवही घ्याल. गुरूजनांचा आशीर्वाद मिळेल, तसेच धार्मिक वाचनातून मानसिक समाधान लाभेल.
सिंह राशी (Leo Horoscope)
आज मनातील गोंधळ किंवा शंका दूर करण्याचा प्रयत्न करा. वैवाहिक आयुष्यात समन्वय साधावा लागेल. तुमच्या कलेचे कौतुक होईल आणि त्यातून आत्मविश्वास वाढेल. मात्र जोडीदाराच्या प्रकृतीकडे लक्ष देणे गरजेचे आहे. व्यावसायिक भागीदाराशी मतभेद टाळा.
कन्या राशी (Virgo Horoscope)
आज तुमच्या हातातील कामांवर लक्ष केंद्रित करणे महत्त्वाचे ठरेल. काही छुपे विरोधक तुमच्या मार्गात अडथळे आणण्याचा प्रयत्न करू शकतात, म्हणून सावध रहा. नातेवाईकांशी सौहार्दपूर्ण संबंध ठेवा. कुठल्याही भांडणात सहभागी होणे टाळा. आहार-विहाराचे भान ठेवावे.
तूळ राशी (Libra Horoscope)
आज कामाचा ताण अधिक जाणवेल, त्यामुळे योग्य नियोजन गरजेचे आहे. मनात संभ्रम किंवा द्विधा स्थिती ठेवू नका. मुलांच्या विचारांना समजून घ्या. जोडीदाराच्या मताचा आदर करणे आवश्यक आहे. आर्थिक व्यवहार करताना अत्यंत सावधगिरी बाळगावी.
वृश्चिक राशी (Scorpio Horoscope)
आज कुटुंबातील काही समस्यांचे निराकरण करण्याचा प्रयत्न कराल. वाहन चालवताना वेगावर नियंत्रण ठेवा. नव्या व्यावसायिक संधींकडे लक्ष द्या. जोडीदाराशी मतभेद टाळावेत. भागीदारीतील नवीन योजना फायदेशीर ठरू शकतात.
धनू राशी (Sagittarius Horoscope)
आज तुमच्या अधिकाराचा उपयोग योग्य ठिकाणी करा. कामातून समाधान मिळेल, पण अति महत्त्वाकांक्षा टाळावी. प्रवास करताना काळजी घ्या. धाडसाने काही गोष्टी साध्य होतील, पण अति साहस टाळा. घरखर्चाचे योग्य नियोजन करा.
मकर राशी (Capricorn Horoscope)
आज नातेवाईकांशी मतभेद होण्याची शक्यता आहे, म्हणून संवादात सावध राहा. काही अनपेक्षित बदल घडू शकतात. प्रवासाची योजना तुमच्या इच्छेविरुद्ध असू शकते. मनातील नकारात्मक विचार दूर करा. अडथळ्यांवर मात करून मार्ग काढता येईल.
कुंभ राशी (Aquarius Horoscope)
आज लहानसहान गोष्टींवरून चटकन राग येऊ शकतो. पित्तसंबंधी त्रास संभवतो. निराशाजनक विचार टाळा आणि शांतपणे विचार करा. कौटुंबिक वातावरण सकारात्मक राहील, त्यात तुम्हाला मानसिक समाधान मिळेल. शांततेने परिस्थिती हाताळा.
मीन राशी (Pisces Horoscope)
आजचा दिवस तुमच्या अपेक्षेनुसार जाईल. मनात काही क्षुल्लक शंका उत्पन्न होतील, पण त्यांना जास्त महत्त्व देऊ नका. वादविवादात सहभागी होणे टाळा. काही नवी कामे तुमच्या वाट्याला येतील. तुमच्यातील प्रेमळपणा आणि सहकार्याचा स्वभाव दिसून येईल.
(वरील सर्व माहिती केवळ माहितीच्या उद्देशाने वाचक-प्रेक्षकांपर्यंत पोहोचवत आहे. यातून जय महाराष्ट्र कोणताही दावा करत नाही किंवा कोणत्याही प्रकारची जबाबदारी स्वीकारत नाही.)