नवी दिल्ली: डॉलरच्या तुलनेत रुपयाचा वधारला असून शुक्रवारी तो 40 पैशांनी वाढून 84 च्या पातळीच्या खाली पोहोचला. गेल्या सात महिन्यांत पहिल्यांदाच डॉलरच्या तुलनेत रुपया या पातळीवर व्यवहार करत आहे. स्थानिक चलन अमेरिकन चलनाच्या तुलनेत 84.09 वर उघडले आणि सुरुवातीच्या व्यवहारात ते 83.90 वर पोहोचले. मागील सत्रात, डॉलरच्या तुलनेत रुपया 84.49 वर बंद झाला होता. बाजारातील तज्ज्ञांच्या मते, भारतीय शेअर बाजारात कर्ज आणि इक्विटीमध्ये वाढलेली परकीय गुंतवणूक आणि अमेरिका आणि भारत यांच्यातील व्यापार चर्चेतील सकारात्मक अपडेट्समुळे डॉलरच्या तुलनेत रुपयाला आधार मिळत आहे.
भारतीय शेअर बाजारात मोठ्या प्रमाणात गुंतवणूकीस सुरुवात -
भारतीय चलन शेवटचे 1 ऑक्टोबर 2024 रोजी अमेरिकन चलनाच्या तुलनेत 84 च्या पातळीवर पोहोचले होते. या काळात ते 83.82 वर होते. जागतिक अस्थिरतेमुळे घसरण झाल्यानंतर, परदेशी गुंतवणूकदारांनी पुन्हा भारतीय शेअर बाजारात मोठ्या प्रमाणात गुंतवणूक करण्यास सुरुवात केली आहे. गेल्या 11 व्यापार सत्रांमध्ये, परदेशी संस्थात्मक गुंतवणूकदारांनी (FIIs) 37,375 कोटी रुपये गुंतवले आहेत.
हेही वाचा - 50 दिवसांत 30% नफा... मग अचानक पेटीएमचे शेअर्स का घसरले? कशाने ब्रेक लावले?
जीएसटी संकलन 2.37 लाख कोटी रुपयांवर पोहोचले-
परकीय चलन व्यापाऱ्यांनी सांगितले की, एप्रिलमध्ये वस्तू आणि सेवा कर (जीएसटी) संकलन 2.37 लाख कोटी रुपयांवर पोहोचले आहे, जे देशांतर्गत मागणीत वाढ दर्शवते. याशिवाय, परदेशी भांडवलाच्या प्रवाहामुळे देशांतर्गत बाजारपेठेत सकारात्मक वातावरण निर्माण झाल्यानेही भावना आणखी बळकट झाल्या.
हेही वाचा - वैयक्तिक बजेट म्हणजे काय? ते कसे तयार करावे, कोणी करावे आणि काय आहेत फायदे?
दरम्यान, बुधवारी अमेरिकन डॉलरच्या तुलनेत रुपया 84.54 वर बंद झाला होता. तथापि, 'महाराष्ट्र दिना'निमित्त गुरुवारी परकीय चलन बाजार बंद होता. दरम्यान, सहा प्रमुख चलनांच्या तुलनेत अमेरिकन डॉलरची ताकद मोजणारा डॉलर निर्देशांक 0.27 टक्क्यांनी घसरून 99.97 वर आला. याशिवाय, आंतरराष्ट्रीय बेंचमार्क ब्रेंट क्रूड 0.55 टक्क्यांनी वाढून 62.45 डॉलर प्रति बॅरलवर पोहोचला.