30 एप्रिल 2025 रोजी येणारी अक्षय्य तृतीया ही केवळ धार्मिकदृष्ट्या नव्हे, तर ज्योतिषशास्त्रीय दृष्टिकोनातूनही अत्यंत महत्त्वाची मानली जात आहे. यंदा तब्बल 24 वर्षांनंतर अत्यंत शुभ मानला जाणारा ‘अक्षय योग’ या दिवशी निर्माण होत आहे. यापूर्वी हा योग 2001 मध्ये पाहायला मिळाला होता. अक्षय तृतीया ही आध्यात्मिक आणि सांसारिक दोन्ही क्षेत्रात नव्याने आरंभ करण्याचा सर्वोत्तम मुहूर्त म्हणून ओळखली जाते. हा योग गुरु आणि चंद्राच्या युतीमुळे तयार होत असून, काही निवडक राशींवर त्याचा अत्यंत सकारात्मक प्रभाव पडणार आहे. संपत्ती, यश, प्रतिष्ठा आणि शुभ फलप्राप्ती यांसाठी ही संधी सोन्यासारखीच आहे.

वृषभ, कर्क, कन्या, धनू आणि मीन या राशींना यंदा खास लाभ होणार असल्याचे संकेत आहेत. 

वृषभ राशीच्या लोकांना या काळात आर्थिक स्थैर्य प्राप्त होण्याची शक्यता असून, व्यवसायातील गुंतवणुकीतून चांगला परतावा मिळू शकतो. नवीन आर्थिक संधी उदयाला येऊ शकतात आणि दीर्घकाळासाठी स्थिरता लाभू शकते. 

कर्क राशीवर लक्ष्मीमातेची विशेष कृपा राहणार असून, नव्या उत्पन्नाच्या संधी, व्यवसायात प्रगती आणि संपत्तीची भर घालणारे निर्णय घेण्याची हीच योग्य वेळ आहे. कुटुंबीयांसाठीही ही वेळ शुभ ठरणार असून, घरात आनंददायी घटना घडण्याची शक्यता आहे.

कन्या राशीच्या लोकांसाठी हा योग एक आशीर्वादासारखा ठरणार आहे. नशिबाची साथ, गुंतवणुकीतून अपेक्षेपेक्षा अधिक लाभ, आणि कार्यक्षेत्रात मान-सन्मान मिळण्याची शक्यता आहे. याशिवाय अनेक अनपेक्षित सकारात्मक घडामोडी या काळात घडू शकतात. 

धनू राशीसाठी यंदाची अक्षय्य तृतीया अत्यंत शुभ असून, नोकरीत बढती, सामाजिक प्रतिष्ठा आणि धार्मिक कार्यात सहभागी होण्याची संधी मिळू शकते. मुलांशी संबंधित शुभवार्ता मिळू शकते आणि घरात आनंदाचे वातावरण राहील. 

मीन राशीच्या लोकांना अचानक आर्थिक लाभ, व्यापारात विस्तार, आणि मानसिक समाधान मिळण्याची शक्यता आहे. त्यांच्या मनातील अनेक इच्छा या दिवशी पूर्ण होऊ शकतात.

या विशेष मुहूर्तावर केलेले चांगले निर्णय आणि सुरू केलेले उपक्रम कायमचे यश आणि समाधान घेऊन येण्याची शक्यता आहे. त्यामुळे या शुभक्षणात आपल्या राशीनुसार योग्य नियोजन करणे, धार्मिक कार्यात सहभागी होणे आणि नवा प्रारंभ करण्याचा विचार करणे हे अत्यंत फलदायी ठरू शकते. 

(Disclaimer: वरील सर्व माहिती केवळ माहितीच्या उद्देशाने वाचक-प्रेक्षकांपर्यंत पोहोचवत आहे. यातून जय महाराष्ट्र कोणताही दावा करत नाही किंवा कोणत्याही प्रकारची जबाबदारी स्वीकारत नाही.)