नवी मुंबई: नवी मुंबईमधून अत्यंत धक्कादायक बातमी समोर येत आहे. नवी मुंबई महानगरपालिकेच्या (एनएमएमसी) चालत्या एसी बसमध्ये एका जोडप्याने शारीरिक संबंध ठेवले. कोणीतरी या आक्षेपार्ह कृत्याचा व्हिडिओ रेकॉर्ड करून तो नागरी अधिकाऱ्यांना पाठवल्यानंतर ही घटना उघडकीस आली. व्हिडिओ व्हायरल झाल्यानंतर, नवी मुंबई महानगरपालिका परिवहन (एनएमएमटी) ची बदनामी होऊ लागली, त्यानंतर विभागाने कंडक्टरविरुद्ध कारवाई सुरू केली.
कंडक्टरच्या निष्काळजीपणाबद्दल कारवाई -
एनएमएमटीच्या एका वरिष्ठ अधिकाऱ्याने सांगितले की, बस कंडक्टरला घटनेकडे दुर्लक्ष केल्याबद्दल आणि वेळीच हस्तक्षेप न केल्याबद्दल जबाबदार धरण्यात आले आहे. अधिकाऱ्याने सांगितले की, 'कंडक्टरने बसमध्ये प्रवास करणाऱ्या प्रवाशांवर लक्ष ठेवायला हवे होते, त्याला बसमध्ये काय चालले आहे हे माहित असायला हवे होते. त्याच्या देखरेखीखाली अशी घटना कशी घडली याचे लेखी स्पष्टीकरण कंडक्टरला देण्यास सांगण्यात आले आहे.'
कंडक्टरकडून मागवण्यात आले लेखी उत्तर -
या प्रकरणातील कंडक्टरचे नाव अद्याप सार्वजनिक करण्यात आलेले नाही, परंतु अधिकाऱ्यांनी सांगितले की कंडक्टरला इशारा देण्यात आला आहे आणि त्याच्या कर्तव्यादरम्यान अशी घटना कशी घडली याबद्दल त्याच्याकडून लेखी उत्तर मागितण्यात आले आहे. कंडक्टर बसच्या पुढच्या सीटवर बसला होता आणि त्याला मागे काय चालले आहे याची जाणीव नव्हती.
हेही वाचा - 'मुंबईतल्या सर्व लँड स्कॅमचे बादशाह उद्धव ठाकरे';आशिष शेलारांचा घणाघात
पनवेलहून कल्याणला जात होती बस -
ज्या एनएमएमटी बसमध्ये हे जोडपे शारीरिक संबंध ठेवत होते ती बस पनवेलहून कल्याणला जात होती. वाटेत ट्रॅफिक लागल्याने ही बस अत्यंत कमी स्पीडमध्ये धावत होती. या काळात त्या जोडप्याने महिलेसोबत लैंगिक संबंध ठेवण्यास सुरुवात केली. दरम्यान, दुसऱ्या गाडीत बसलेल्या एका व्यक्तीने या जोडप्याचा व्हिडिओ बनवला आणि तो सोशल मीडियावर व्हायरल केला.
हेही वाचा - Maharashtra Weather: हे शहर ठरले जगातील सर्वात उष्ण शहर, एप्रिलमध्येच पारा 45.6 अंश
दरम्यान, आरटीआय कार्यकर्ते अनरजीत चौहान यांनी हा मुद्दा अधोरेखित केला. त्यांनी म्हटलं की, 'सार्वजनिक वाहतुकीत अशा घटना घडत आहेत हे दुर्दैवी आहे.' तथापि, भारतीय दंड संहितेच्या कलम 296 अंतर्गत, सार्वजनिक ठिकाणी अश्लील कृत्य केल्यास तीन महिने तुरुंगवास किंवा 1000 रुपये दंड होऊ शकतो. या प्रकरणात, या कलमांखाली जोडप्यावर कारवाई केली जाऊ शकते.