बुलढाणा : दुष्काळग्रस्त शेतकऱ्यांना सरकारने दिवाळीपूर्वी अग्रीम मदत म्हणून पाच हजार रुपये जाहीर केलेत. मात्र ही मदत अपूर्ण असून राजा उदार झाला आणि हाती भोपळा दिला, अशी घोषणाबाजी करत राष्ट्रवादी शरद चंद्र पवार गटाच्या पदाधिकाऱ्यांनी बुलढाणा जिल्हाधिकारी कार्यालयासमोर घोषणाबाजी करत आंदोलन केलं. मात्र सध्या हे आंदोलन एका वेगळ्या कारणासाठी चर्चेत आले आहे. सरकारने पाच हजार रुपयाची मदत जाहीर केली, ती शेतकऱ्यांची चेष्टा आहे. असं विधान सत्ताधारी आमदार संजय गायकवाड यांनी केलंय. तर दुष्काळग्रस्त शेतकऱ्यांना जाहीर केलेली मदत अपुरी म्हणत राष्ट्रवादी शरद पवार गटाच जिल्हाधिकारी कार्यालयासमोर करण्यात आलेल्या आंदोलनात सहभागी होऊन शिवसेना आमदार संजय गायकवाडांनी थेट सरकारलाच घरचा आहेर दिला आहे.
