वॉशिंग्टन: भारतीय अर्थव्यवस्था आणि कंपन्यांसाठी ही चांगली बातमी आहे. भारत आणि अमेरिका यांच्यातील सुरू असलेल्या व्यापार कराराच्या चर्चा योग्य मार्गावर आहेत. लवकरच दोन्ही देशांमध्ये एक समान अजेंडा तयार होऊ शकतो आणि दोन्ही देशांमध्ये व्यापार करार होऊ शकतो. अमेरिकेचे राष्ट्राध्यक्ष डोनाल्ड ट्रम्प यांनी स्वतः ही माहिती दिली आहे.
डोनाल्ड ट्रम्प यांनी म्हटले आहे की, भारतासोबतच्या टॅरिफ वाटाघाटी खूप चांगल्या प्रकारे सुरू आहेत. आम्हाला विश्वास आहे की दोन्ही देशांमध्ये व्यापार करार होईल. मंगळवारी अमेरिकेच्या राष्ट्राध्यक्षांचे अधिकृत निवासस्थान आणि कार्यालय असलेल्या व्हाईट हाऊसबाहेर पत्रकारांशी झालेल्या संक्षिप्त संभाषणात ट्रम्प यांनी याबाबत वक्तव्य केलं.
हेही वाचा- जगातील सर्वांत महागडं विमानतळ, इथे एका केळाची किंमत आहे 500 रुपये! गगनाला भिडलेत दर
आम्ही भारतासोबत करार करू - डोनाल्ड ट्रम्प
दरम्यान, ट्रम्प यांनी म्हटलं की, आम्ही भारतासोबत एक करार करू. तुम्हाला माहिती आहेच की, पंतप्रधान (नरेंद्र मोदी) तीन आठवड्यांपूर्वी इथे होते आणि त्यांना अमेरिकेसोबत करार करायचा आहे. फेब्रुवारीच्या अखेरीस पंतप्रधान नरेंद्र मोदी यांनी व्हाईट हाऊसला भेट दिली होती. अमेरिकेचे अर्थमंत्री स्कॉट बेसंट यांनी प्रतिशोधात्मक शुल्क टाळण्यासाठी अमेरिकेसोबत द्विपक्षीय व्यापार करार अंतिम करणाऱ्या पहिल्या देशांपैकी भारत असेल असे म्हटल्यानंतर ट्रम्प यांनी ही टिप्पणी केली.
हेही वाचा - डोनाल्ड ट्रम्प यांचा आयात शुल्काबाबत पुन्हा यु-टर्न! ऑटो पार्ट्सवरील आयात शुल्क कमी करण्याची केली घोषणा
ट्रम्प यांचे कर धोरण -
तथापि, 2 एप्रिल रोजी राष्ट्राध्यक्ष ट्रम्प यांनी भारत आणि चीनसह अनेक देशांवर मोठ्या प्रमाणात प्रत्युत्तरात्मक कर लादण्याची घोषणा केली होती. परंतु, 9 एप्रिल रोजी त्यांनी या शुल्कांवर 90 दिवसांची स्थगिती लागू केली. तथापि, 2 एप्रिल रोजी देशांवर लादलेला 10 टक्के मूलभूत कर अजूनही लागू आहे. याशिवाय, स्टील, अॅल्युमिनियम आणि मोटार वाहनांच्या घटकांवरही 25 टक्के शुल्क आकारण्यात आले आहे.