मुंबई: ताडगोळा हे उन्हाळ्यात मिळणारे अतिशय पोषक आणि थंडावा देणारे फळ आहे. काही ठरावीक फळ अशी असतात, जी फक्त त्या त्या ऋतूंमध्येच उपलब्ध होतात. त्यामुळे उन्हाळ्यात उपलब्ध होणारे ताडगोळा हे फळ अनेकांना खूप आवडते. उन्हाळ्यात अनेकजण या फळाला पसंती देताना दिसतात.
ताडगोळ्याचे काही महत्त्वाचे फायदे
उष्णतेपासून संरक्षण:
ताडगोळा शरीरात थंडावा निर्माण करतो. त्यामुळे उन्हाळ्यातील उष्माघातापासून बचाव होतो.
पचनासाठी उपयुक्त:
ताडगोळा पचनक्रिया सुरळीत ठेवतो. यामुळे अपचन, अ‍ॅसिडिटीसारख्या त्रासांपासून आराम मिळतो.
त्वचा आणि सौंदर्यासाठी:
ताडगोळा खाल्ल्याने त्वचेला थंडावा मिळतो. तसेच मुरुमे आणि त्वचारोग कमी करण्यास मदत होतो.
हेही वाचा : Walnut Benefits: अक्रोड खाण्याचे आरोग्यदायी फायदे
ऊर्जेचा स्रोत:
ताडगोळ्यातील नैसर्गिक साखर आणि मिनरल्समुळे ऊर्जा मिळते आणि थकवा कमी होतो.
मूत्रविकारांवर फायदेशीर:
ताडगोळा लघवीची जळजळ, संक्रमण यावर गुणकारी आहे.
गर्भवती महिलांसाठी उपयुक्त:
शरीराला थंडावा देतो, पचन सुधारतो, त्यामुळे गर्भवती महिलांसाठी फायदेशीर मानला जातो.
डिहायड्रेशनपासून बचाव:
ताडगोळ्याचे सेवन शरीरातील पाण्याचे प्रमाण टिकवते आणि इलेक्ट्रोलाइट्सची पूर्तता करते.
कॅलरी कमी:
ताडगोळा हे वजन कमी करत असलेल्या लोकांसाठी आदर्श फळ मानले जाते. तसेच त्यात कमी कॅलरी आणि जास्त पोषणमूल्य आहेत.
(Disclaimer : ही माहिती केवळ सामान्य ज्ञानासाठी प्रदान केली आहे. जय महाराष्ट्र या माहितीची कोणतीही हमी देत नाही. आरोग्यविषयक कोणताही निर्णय घेण्यापूर्वी तज्ज्ञ किंवा डॉक्टरांचा सल्ला घ्या.)