मुंबई: यूजीसी नेट जून 2025 परीक्षेचा निकाल आता जाहीर होण्याच्या उंबरठ्यावर आहे. लाखो उमेदवारांनी ही परीक्षा दिल्यानंतर आता सर्वांच्या नजरा निकालावर खिळल्या आहेत. राष्ट्रीय चाचणी संस्था (NTA) मार्फत घेण्यात आलेली यूजीसी नेट परीक्षा 25 ते 29 जून 2025 दरम्यान पार पडली होती. यानंतर 5 जुलै 2025 रोजी तात्पुरती उत्तरतालिका प्रसिद्ध करण्यात आली होती, आणि 8 जुलै 2025 पर्यंत उमेदवारांना आक्षेप नोंदवण्याची संधी देण्यात आली होती.
निकाल कधी लागेल?
एनटीएने अद्याप अधिकृत निकालाची तारीख जाहीर केलेली नसली तरी मागील काही वर्षांतील ट्रेंड पाहता, निकाल परीक्षा झाल्यानंतर 2 ते 4 आठवड्यांत जाहीर केला जातो. त्यामुळे 20 जुलै ते 30 जुलै 2025 दरम्यान निकाल लागण्याची दाट शक्यता आहे.
हेही वाचा: Stocks to Watch: ‘या’ 14 शेअर्सवर सोमवारी ठेवा बारीक नजर; मोठ्या उलथापालथीची शक्यता
निकाल कसा पाहाल?
निकाल जाहीर झाल्यावर उमेदवार ugcnet.nta.ac.in या अधिकृत वेबसाइटवर जाऊन आपला स्कोअरकार्ड पाहू शकतात. खालील स्टेप्स फॉलो करा:
1. ugcnet.nta.ac.in या अधिकृत वेबसाइटवर लॉगिन करा.
2. होमपेजवर 'UGC NET June 2025 Scorecard' या लिंकवर क्लिक करा.
3. अर्ज क्रमांक आणि जन्मतारीख टाकून 'Submit' करा.
4. स्क्रीनवर स्कोअरकार्ड दिसेल, ते डाउनलोड करून सुरक्षित ठेवा.
स्कोअरकार्डमध्ये काय असतं?
स्कोअरकार्डमध्ये खालील माहिती दिलेली असते:
विषयवार पर्सेंटाइल
कॅटेगरीनुसार कटऑफ मार्क्स
JRF (Junior Research Fellowship) साठी पात्रता स्थिती
Assistant Professor साठी पात्रता स्थिती
यूजीसी नेट निकालाचे महत्त्व
यूजीसी नेट परीक्षा ही भारतातील विद्यापीठं आणि महाविद्यालयांमध्ये सहायक प्राध्यापक पदासाठी पात्रता निश्चित करणारी परीक्षा आहे. तसेच, JRF मिळाल्यास उमेदवारांना उच्च शिक्षण व संशोधनासाठी आर्थिक सहाय्य मिळते. JRF मिळवणारे विद्यार्थी PhD किंवा M.Phil. मध्ये नावनोंदणी करू शकतात.
मागील वर्षांतील निकाल ट्रेंड
जून 2024 निकाल: 17 ऑक्टोबर 2024
डिसेंबर 2023 निकाल: 19 जानेवारी 2024
जून 2023 निकाल: 25 जुलै 2023
या ट्रेंडवरून पाहता निकाल जुलै अखेरीस लागण्याची शक्यता आहे.