Find Stolen Android Phone With Gmail : सध्याच्या काळात मोबाईल शिवाय अनेक कामं अडून राहतात. स्मार्टफोन हा आपल्या जीवनाचा एक महत्त्वाचा भाग बनला आहे. पण जर फोन हरवला किंवा चोरीला गेला तर सुचेनासं होतं. अनेक समस्या निर्माण होतात. शिवाय, हा मोबाईलही भरभक्कम किमतीचा असतो. तसेच, आपापल्या कामानुसार अनेक महत्त्वाच्या बाबी यात असतात आणि तशी सेटिंग्जही केलेली असतात. पण आता अशा परिस्थितीत घाबरून जाण्याची, टेन्शन घेण्याची गरज नाही. कारण, काही सोप्या पद्धतींचा वापर करून तुम्ही तुमचा हरवलेला फोन स्वतः शोधू शकता आणि तेही FIR न करता आणि पोलिसांच्या मदतीशिवाय...
हेही वाचा - काही Mobile Apps करताहेत बेईमानी; Uninstall केल्यानंतरही असतो डेटा चोरीचा धोका
फोनचं सध्याचं लोकेशन शोधण्यासाठी Google Find My Device वापरा
जर तुम्ही तुमच्या मोबाईलवर तुमच्या गुगल अकाउंटमध्ये लॉग इन केलं असेल, तर तुम्ही Find My Device फीचर वापरून फोनचे रिअल-टाइम लोकेशन तपासू शकता. यासाठी तुम्हाला फक्त दुसऱ्या फोन किंवा कॉम्प्यूटरवर https://www.google.com/android/find ही वेबसाईट उघडावी लागेल किंवा त्याचे अॅप तुमच्याजवळ असलेल्या मोबाइलवर डाउनलोड करावं लागेल.
तुमच्या गुगल आयडीने येथे लॉगिन करा आणि काही सेकंदात तुम्हाला तुमचा फोन कुठे आहे हे कळेल. या काळात फोनमध्ये इंटरनेट आणि लोकेशन चालू असलं पाहिजे. जर हरवलेल्या फोनचं इंटरनेट आणि लोकेशन चालू असेल, तर तुम्ही फोन लॉक करू शकता किंवा तो सायलेंटवर असला तरीही रिंग वाजू शकते.
ईमेलद्वारे फोन ट्रेस करणं देखील शक्य
जर तुमच्याकडे दुसऱ्या डिव्हाइसवर तुमच्या फोनमध्ये लॉग इन केलेला ईमेल असेल, तर तुम्ही त्याच ईमेलचा वापर करून फोनचं लोकेशन तपासू शकता. गुगल लोकेशन हिस्ट्री आणि अकाउंट एक्टिव्हिटी मधूनही फोनचे शेवटचं लोकेशन काढता येतं. फक्त तुमच्या ईमेल अकाऊंटमध्ये लॉग इन करा आणि गुगल मॅप्स लोकेशन टाइमलाइन पाहा.
CEIR पोर्टलवरून फोन करा ब्लॉक
जर तुमचा फोन चोरीला गेला असेल आणि काही कारणाने तो वरील पद्धतीने मोबाईल सापडत नसेल आणि तुम्हाला वाटत असेल की, कोणीतरी त्याचा गैरवापर करू शकतं, तर तुम्ही भारत सरकारच्या CEIR (Central Equipment Identity Register) पोर्टलवर तक्रार दाखल करू शकता.
हे पोर्टल फोनला त्याच्या IMEI नंबरच्या आधारे ब्लॉक करतं. म्हणजे, जर कोणताही चोर तुमच्या फोनमध्ये कोणतेही सिम घालण्याचा प्रयत्न करत असेल तर पोलिसांना त्याची माहिती मिळू शकते.
फोन ब्लॉक करायचा असेल तर..
- CEIR पोर्टल - https://www.ceir.gov.in/ वर जा.
- 'Block Stolen/Lost Mobile' हा ऑप्शन निवडा.
- FIR कॉपी आणि आयडी कार्ड अपलोड करा.
- IMEI नंबर एंटर करा आणि सबमिट करा.
यासाठी FIR दाखल करावा लागतो. एकदा फोन सापडला की, तो या पोर्टलवरून अनब्लॉक देखील करता येतो.
हेही वाचा - रोबो आणि AI टेक्नॉलॉजीच्या मदतीने प्रेग्नन्सी; IVF यशस्वी होऊन पहिल्या बाळाचा जन्म
जर तुमचा फोन हरवला तर सर्वप्रथम घाबरू नका. येथे सांगितलेल्या कोणत्याही किंवा तीनही पद्धतींचा अवलंब करून तुम्ही तुमचा स्मार्टफोन परत मिळवू शकता. भविष्यातही, तुमच्या फोनचे लोकेशन नेहमी ऑन असल्याची आणि तुमचे गुगल अकाउंट एक्टिव्ह असल्याची खात्री करा. तसेच, तुमचा फोन हरवला नसेल, तरीही या गोष्टी लक्षात ठेवणे फायद्याचे आहे. या सोप्या युक्त्यांसह, तुम्ही तुमचा फोन शोधू शकता. सर्वात चांगली गोष्ट म्हणजे, यातील काही उपाय करण्यासाठी तुम्हाला पोलिसांकडे जाण्याचीही गरज भासणार नाही.